Kua manako e Fakatufono Niue ke fakailoa atu ke he tau tagata he motu e amaamanakiaga ke tukutuku hake e totogi ke lata ma e tau lolo utu peleōafi, kamata mai he aho 1 Iuni 2026. Kua puhala atu pehe nai e Fakatufono ke onoono mo e mailoga e tau hikihikiaga ke he tau fakatau he lolo oela he lalolagi. Ko e taofiaga he Fakatufono ke nakai lauia lahi e tau momoui tagata mo e tau pisinisi he motu, ati tukutuku hake fakaeneene e tau totogi he tau lolo oela nei:
Hanai e tau hikihikiaga:
• Penisini - Malikiti hake e totogi mai he $3.80 e lita ke he $4.00
• Tisolo – Malikiti hake e totogi mai he $4.00 e lita ke he $4.20
Tutuaga he lolo
Koe tuaga he lolo ke he magaaho nei nakai fai fakakaupaaga kia tautolu. Ha koe tau mena tutupu ke lalolagi ke he magaaho nei, amanaki ke malikiti hake e tau he lolo ke he tau mahina I mua. To tumau e Fakatufono ke onoono/tau muitua kehe tuaga he lolo ke nakai lauia e tau tagata moe tau gahua mahuiga he motu.
Tau Gahua he Fakatufono ke he Magaaho Nai
To tumau e Fakatufono ke muitua ke he tau fakaholoaga gahua ke lata mae tau hikihikiaga nei, ke ua lauia lahi ke he tau momoui he tau tagata, kae mailoga nakai mukamuka ke taute pehē nei.
To tuku ki mua e tau fakaaogaaga he tau faahi gahua ne gahua tumau tuga e faahi hila, faahi vai, faahi malolo tino, tau fekau tupu fakaofo, faahi gahua vakalele, uaafo mo e faahi gahua vakatoga. To matutaki ni e tau faahi nai ke gahua ke lata mo e tau fekafekauaga osi pihia mo e lagomataiaga he tau momoui he tau tagata he motu.
Ko e heigoa e Fakatokaaga ma e tau Tagata
To fakatumau e ataina ke he fakaaogaaga he lolo. Nakai fai fakakaupaaga ke he utuaga he tau lolo ke he tau magaaho nei. Nakai fai mena ke tupetupe ki ai, ti ole atu ke aua neke fakatau ke fakaputu e lolo oela ke he tau magaaho nei.
Maeke fēfē ia koe ke lagomatai
Fakaaoga fakalatalata moe tukutuku hifo e tau ofano ke he puhala tu moe lali ke heke auloa ke he tau peleo afi ka maeke, moe tukutuku hifo e fakaogaaga he tau lakau hila.
“Ka fakaoga fakamitaki e lolo, to tumau ni a Niue ke matutaki e tau gahua, mae tau aho I mua”
Ke lata mae tau iloaaga – Tuaga he tau he lolo
Mai he mahina Iulai 2025, kua lagomatai he Fakatufono ke he totogi he lolo ke nakai lauia lahi e tau tagata he motu. Mailoga e tau fakataitai totogi moe kua lata ke totogi:
Fakatauaga he Lolo Penisini Tisolo
Fakatauaga he lolo ke he magaaho nai tali mai he aho 6 mahina Apelila 2026 Penisini - $3.80 Tisolo - $4.00
Tau Fakatau he lolo he Vakatoga LiloaV110 ne hoko mai he aho 16/04/26 Penisini - $4.74 Tisolo - $5.04
Tau Fakatau he lolo mai he vakatoga Imua159, hoko mai he aho 1705/2026 Penisini - $4.61 Tisolo - $5.51
