Kamata e magahala afā he aho 1 Novema 2024 ke hoko atu ke he Aho 30 Apelila 2025.

Ko e fuafuaaga he numela afā ke lata mo Niue ko e 1 ke he 2 e afā. Maeke e tau afā ke tupu I fafo he magahala afā pauaki.

Ko e fuafuaaga he numela afā mae atu Pasifika Toga ko e 6 ke he 10 e afā he katoa. Amanaki ke he 3 poke 4 e afā tokaimaka poke molea e veveheaga 3, mo e tupu ki luga he atu Pasifika. Mahuiga ke mautali tumau e tau tagata he tau magaaho oti ke lata mae magahala afā.

Ko e numela afā ne tupu ai ki luga he takatakai moana (EEZ) ha Niue fa hikifano mai he taha tau ke he taha tau hakoe tau putuputu matagi mafanafana he atu Pasifika Toga (ENSO). Fuafua ai he Faahi Gahua Australian Bureau of Meteorology ke tu lotouho (neutral) e ENSO
ke hoko atu kia Fepuali mo Mati 2025. Kaeke ke tupu ai e La Niña, amanaki ke tu lolelole mo e moui ku ke he atu Pasifika Toga.

Pehē mai e Takitaki he Faahi Gahua Fuafua Matagi, Rossy Mitiepo “Ha kua tu tokolalo e fuafuaga he tau afā ke lata mae magahala afā nei 2024-2025, kua lata ke mailoga fakalahi e tau puhala ke puipui mai he tau putuputuaga matagi tokolalo ne maeke ke lauia mai he tau peau lalahi, tau matagi malolo lahi mo e tau uha lolo”.

Kia fakatumau ke mumuitua ke he tau hataki matagi afā mai he Faahi Gahua Fuafua Matagi. Kia moua e lotomatala laulahi mo e maamaaga hagaao ia ke he tau matagi malolō lahi, tau tukuna peau lalahi ke aofia ai e tau tagata, takatakaimotu, tau Faahi Gahua mo e tau maaga.

Download PDF Version

For further information

Anzee Mougavalu

GON Communications Officer, Email: NiueGovernment.Media@gov.nu